INEE ! NIGO KWAIBORETWE ISIKO Y’ENYUOMO? OKORAGERERIA GW’EKEMERU NIGO KOREO  BORI.

Okoiranerera 23:2-Ririko ri’engencho rigokwana igoro y’okoragereria gw’ekemeru.Omwana oberekirwe na koiborwa isiko yenyuomo nigo are ekemeru nonya abwo babere bakonyuomana nyuma kaberekirwe ekiagera ekebe kiobonyaka nigo giakoretwe nyuma yenyuomo. Okoragereria oko nigo kore ase omwana, abaibori naende nabo korabwatie gotiromboka goika  ekiare gia ikomi ase oroiboro rwa abaibori baye.

Okwangwa – Obororo-Oboenenu…nigo bikororekana ase omonto ore inse y’okoragereria gw’ekemeru.Ayakobwatia korwa ase omoika bw’OKOGANIA,korende tari OBWANCHANI.Obwanchani bw’ekeene nigo bokorenta okorenda na okonyorera omonto ebi biganeirie, ebinto bitaiyo ekero ekemeru getaraberekwa. Ebirecha biokogania  nigo bikobwatia abana bonsi abwo bakobwatia ase ororeria orwo. Ebirecha binde biokogania kwomobere nigo bikororekana, biabwatia abana nagoteema gosoa . Abana abange  baberekirwe  bare ebimeru tibaganeirie na moibori onde bwensi. Omwana oyio nabo arabe n’emechando  emenge amo na eyio. Okwangwa okogania okobe, okobea, okoanga, ribero, tibatoerereti, tibarigokora eke bagwenerete bakore. Naende nigo babwate obokongu korenda emeremo eye barikire bagokora, okwerika na kobeera  ase ekenisa gose komenya ase enyuomo. Tari abanto bonsi bakonyora obokongu buna obo korende abange nigo bare nobokongu bwe  engencho eye. “Omoika bw’okoong’anya.” (Ogotanga tanga) nigo okoba mono ase ebimeru.

Ekero okoba noboamate bwaime, okogenderera buya na abakori emeremo abagisangio, ogotacheneka goetera ase obonyaka, nokogania okobe kw’omobere, ogotinda nebinto bigotindwa, okogokigwa gokora obokurumi, obosaitani noborogi nigo bikororekana ara aange. Emeika ya Yeseberi, Ahabu , ogosinywa botambe, okweanga omonyene na CD’S (Ogotaba nomoroberio kobeteretie ) nabo birabeo. Omonto nabo arakore emeremo ase enchera eyemo ase echi ibere(tari gwancha gokorera amang’ana gose gokora emeremo eye agwenerete gokora )

Abana bande, baberekirwe isiko y’enyuomo, nigo bamanyete ase enda ya ng’ina buna tibaganeirie onye okorusia oborito  koogoteemwa gokorwa gose korengererigwa. “Omoika bwogoita” nabo orasoe ase ekero eke. Nigo bakoba nechinkoro chinkong’u  naende batwara obokong’u konyora obwanchani. Oboamate  na korwa ebinto ebi gochia ase abande. Abange nigo barachore oyomwabo oyo otarwe gose konyora obwanchani ( omoika bwo obokendu )

2 SAMUEL 11: 2-5-Daudi nigo aberegete omwana ekemeru. Obotomani obo nigo bwagerete oboiti bogasoa erinde botube ebibe biokogania okobe kwomobere, erio omwana agakwa. Enyomba ya Daudi ekaragererigwa   n’omoro,abakungu baye bakairwa nomonto onde ogotibonga kogasoa ase enyomba yaye.Inee!omoro noreo ase enyomba yao?Obotomani,oboiti, okorusia oborito, okoba kemobere na abanto beamate ya ime , okoong’anya,ogotaba n’oborendi obuya,ebibe biokogania kw’omobere.Ebi bionsi nabo biraimoke korwa ase okoragereria gw’ekemeru.Renda mono!Boria Omoika Omochenu akworokie gose okoragereria oko nkoreo ase eamate yao(Okoragereria gw’echinderia)

Okoragereria oko gwekemeri nigo korabunwe goetera ase ogweitia kwa ime omo nokwabera gokorwa ase Nyasae korwa ase ekebe eke. Manya ing’a Nyasae nigo airete amang’ana aya koba ay’engencho enene mono. Okoragereria koranyare kogenderera goika nonya nekogori gia ikomi. Buna okoragereria oko. Seria ebirecha ebio bi’ekemeru, saba okogwenigwa gw’enkoro yabunekire, ogoakwa amaote, kwangwa na obosoku. Ancherana obwanchani bwa Nyasae n’okwaberwa kwaye gwensi.Kora ebirengererio bioa bibe ebiyia ase Omonene(Abarumi12:1-2)

Okoragereria gw’ekemeru nigo korandete ase ense engima naende nigo kwarentire emechando ase ebisaku bionsi bi’abanto.Gwasiririe amagima ya  abana baberekirwe isiko y’enyuomo. Nyasae narente okogambigwa ase baria bagendererete ase ogokora oko. Nyasae naabere. Okoragereria oko gw’ekemeru nabo koranyare kobunwa Yeso nigo are ang’e naende aganetie gokonya baria babwatirwe ase okoragereria gokorentwa amo na korokwo.

Translated by Benard Makori Omayio - Victory Life Ministries - PO Box 1728 - 40200 - KISII - Kenya ( East Africa )